ఇట్టి విషయం స్థానిక శాసన సభ్యులు శ్రీ మక్కాన్ సింగ్ రాజ్ ఠాకూర్ గారికి తెలిసి వారు సతీ సమేతంగా ఈ ప్రాంతాన్ని , శ్రీ ఆంజనేయ స్వామి వారిని దర్శనం చేసుకొని చాలా సంబర పడి పోయారు మరియు తనకు ఎంతో కాలంగా వున్న శ్రీ ఆంజనేయ స్వామి విగ్రహం ప్రతిష్టించాలన్న సంకల్పానికి సాక్షాత్తుగా హనుమత్ లక్ష్మణ సమేత శ్రీ సీతా రాములు అనుమతి ఇచ్చినట్లుగా భావించారు. ఇది యాదృశ్చికమో దైవ సంకల్పమే అని తలచి వెంటనే మరో ఆలోచన చేయకుండా అదే రోజున అక్కడే 108 ఫీట్ల శ్రీ హనుమాన్ విగ్రం నెలకొలపాలని నిర్ణయం తీసుకొని పూజలు చేసారు.

వేదపండితులని పిలిచి వారికి శ్రీ హనుమాన్ విగ్రహాన్ని చూపగ వారు అందరు అట్టి విగ్రహాన్ని తాము ఎక్కడ చూడలేదని, అందరు కలసి వేదాలను శోధించి శ్రీ స్వామి వారికి శ్రీ దనుర్బాన రామాంజనేయ స్వామి గా నామకరణం చేసారు ఇలా శ్రీ రాముడు సీతా,లక్ష్మణ సమేతంగా ఈ ప్రదేశంలో వన వాసం చేసినప్పుడు వారి పాదం మోపిన చోట శ్రీ ధనుర్భాణ ఆంజనేయ స్వామి విగ్రహం ప్రతిష్టకు మరియు 108 ఫీట్ల స్వామి వారి విగ్రహం, ధ్యాన మందిరం మరియు మొదటి అంతస్తులో 8 దిక్కులలో ఒక్కో దిక్కున 8 రకాల శ్రీ హనుమాన్ విగ్రహం లను 18 ఫీట్ల ఎత్తు తొ నెలకొలపాలని సంకల్పించారు.